Элкел районӗнчи тырă тухăçӗ тӗл-тӗл гектартан 50 центнера та çитет

Тутарстанăн комплекслă аграри политики ял хуçалăх отраслӗнче малта пыма май парать. Юлашки 5 çулта çанталăк условийӗсем йывăр пулнине пăхмасăрах Тутарстан ӳсен-тăран продукцине ӳстерес хăвата упраса хăварчӗ, Раççейре ку енӗпе вăл 5-мӗш вырăнта тăрать. Республика хăйне хăй апатланăвăн тӗп продукчӗсемпе тивӗçтерет, ял хуçалăх продукцийӗн пысăк пайне кӳршӗ регионсене ăсатать. Агропромышленность комплексӗ çапларах лайăх аталанни Тутарстана Федерацин Атăлçи округӗнче чи йӳнӗ продуктсен пуххине (корзинине) тытса тăма май парать.

Июлӗн 25-мӗшӗнче РФ Патшалăх Думин депутачӗ пулма хутсем тăратнă кандидат Айрат Хайруллин Элкел районӗнче пулса вырма ӗçӗсене тӗрӗсленӗ. Район аграрийӗсем тырăсене вырма республикăра чи малтан пуçланă.