Кăçалхи прогноз – 4 миллион тонна

Çанталăк чăрмантармасан Тутарстан кăçал 4 миллион тонна тырпул, 2,5 миллион тонна сахăр чӗкӗнтӗрӗ, 1,5 миллион тонна çӗрулми, 3 миллион тонна выльăх апачӗ туса илме хатӗрленет. Çакăн пек прогнозпа паллаштарнă ТР Президенчӗ Рустам Минниханов çак кунсенче Лайăш районӗнче иртнӗ канашлура, пӗлтерет республика ертӳçин пресс-служби. Тырçи ӗçӗсене август уйăхӗн пӗрремӗш декадинче пуçлама палăртнă. Ял хуçалăх производствипе Тутарстан çӗршыв лидерӗсен шутне кӗрет. Республикăри пӗтӗмӗшле продукцин калăпăшӗнче агропромышленность комплексӗн пайӗ 11 процентпа танлашать.