Министр, кала-ха?..

Раççейри шкул ачисен ашшӗ-амăшӗсем хăйсене хумхантаракан ыйтăва РФ çутӗç министрне О.Ю.Васильевăна тӳрремӗнех пама май пур. Августăн 29-мӗшӗнче Мускаври пӗр шкулсенчен пӗринче министр шкул ачисен ашшӗ-амăшӗсемпе тӗл пулать. Тӗлпулу калаçу тата видеоконференци формачӗпе иртет. Çапла майпа çав кун Мускаври тӗп площадкăран 6 федераллă округри 8 хулапа çыхăну йӗркелеççӗ. Пӗтӗм Раççейри ашшӗ-амăшӗсен пухăвӗн онлайн-трансляцине вара çӗршыври, тӗнчери хуть хăш кӗтесрен те пăхма пулать.

Хăвăрăн ыйтăвăрсене http://edu.gov.ru/opc-view сайта е РФ Çутӗç министерствин социаллă сетьсенчи аккаунчӗсем урлă ямалла. Чи çивӗч ыйтусене пухура пӗрле сӳтсе яваççӗ. (Сăнӳкерчӗк http://mon.tatarstan.ru сайтран).