Мундиаль вăхăтӗнче «Казан» умне килме ан ӳркен

Футболпа тӗнче чемпионачӗ вăхăтӗнчи культура программипе килӗшӳллӗн, Хусанти «Казан» Çемье центрӗ умӗнче фестивальсемпе сувенирсен ярмарккисем ирттерме палăртнă. Программа çапларах:

Июнӗн 15-мӗшӗ – Тутарстанри пултарулăх ушкăнӗсен концерчӗ (16.50 сехетре пуçланать).

Çакăн пекех концерт июнӗн 23-мӗшӗнче те пулать.

Июлӗн 6-мӗшӗ – музыка фестивалӗ. «Братья блюз» ушкăн, Олег Аккуратовпа пӗрле Иван Фармаковский тата Игорь Бутман квартечӗсем юрлаççӗ. (15.30 сехетре пуçланать).

Июлӗн 7-мӗшӗ – музыка фестивалӗ. M.A.K.Trio, «Макс и Ко» тата Хусанти JIVE, Мускаври Вадим Эйленкриг квартечӗ юрлаççӗ. (18.50 сехетре пуçланать).

Июлӗн 10-мӗшӗ – музыка фестивалӗ. «Артем Айвазян Band» (Мускав), Алексей Козлов & «Арсенал» ушкăн тата Марк Юсим (Мускав) юрлаççӗ. (19.00 сехетре пуçланать).

Июлӗн 11-мӗшӗнче Альфия Авзаловăна (Раççей — АПШ) асăнса музыка программи пулать, унта ALMA (Хусан) ушкăн хутшăнать. (19.00 сехетре пуçланать).