Çӗпрелӗнче чăваш Акатуйӗ

   Июнӗн 17-мӗшӗнче Çӗпрел район чăвашӗсем Акатуй ирттереççӗ. Ялтан яла куçакан Акатуй уявӗ кăçал Алешкин Саплăк ялӗ çийӗн вӗлкӗшет. Палăртса хăварар, район чăвашӗсем çӗнӗрен чӗртнӗ уява шăпах çак ялта пуçланăччӗ.  Акатуй валли кунта ятарлă вырăн та пур. Вăл – Туслăх кӳлли. Ял варринчи пӗве хӗррине хăтлăх кӗртнӗ хыççăн чаплă кану паркӗ пулса тăчӗ. Нумай пулмасть Тутарстан тата Хусан митрополичӗ Феофан çак тӳремри часавая светить турӗ. Акатуй  ирхине 10.30-11 сехетсенче пуçланать. (К.Малышев сăнӳкерчӗкӗ).