АСЛĂ ÇĂВАРНИ

Нарăс уйăх, нарăс уйăх вӗçӗнче

Пуçланасшăн, пуçланасшăн çуркунне.

Пӗчӗкленчӗ кӗртсен çӳллӗш хирсенче;

Пикенсех тумла тумласшăн пӳрт умне.

Çитрӗ аслă, çитрӗ аслă Çăварни –

Ăсататпăр, ăсататпăр хӗллене.

Ăçта эсӗ? Курăнмастăн, чун савни,

Ма тухмасăр çунтаратăн чӗрене?

Савнă тусăм, савнă тусăм, сан çинчен

Çураласшăн, çураласшăн сăвăсем.

Тухма хатӗр вӗсем манăн чӗререн,

Юрату вăратнă çепӗç юрăсем!

Илт-ха, тусăм, илт-ха, тусăм, ман сасса,

Тух-ха эсӗ, тух-ха эсӗ урама.

Çӗнӗ юрă эпӗ çыртăм юратса,

Тух-ха, тусăм, тăрса çуммăн юрлама!

«Татар-информ» ИА сăнӳкерчӗкӗ.