News by tag - чувашская литература

• 30 августа 2026

  Александр Ильинăн пултарулăхӗнче çарпа патриотизм теми самай пысăк вырăн йышăнать

  «Салтак яланах салтак» кӗнекене унăн поэмисемпе сăввисем тата сонечӗсем кӗнӗ

• 29 августа 2026

  «Аслă Шулӗк çинчен çырнă паллă мар сыпăк»? Мӗн çинчен-ши ку кӗнеке?

  Хайлав сюжетне Ильфпа Петров романӗн геройӗсем Чăваш АССРне килсе курнине тӗпе хурса Сергей Сорокин йӗркеленӗ

• 03 июля 2026

  «Варкăш» литература клубĕн хăни – Тимĕр Алюш Вали çыравçă

  Нумаях пулмасть Чăваш наци библиотекин «Чăваш кĕнеки» центрӗнче Тимĕр Алюш Валин Чăваш кĕнеке издательствинче тухнă «Нарпике ăраскалĕ» романне пахаларĕç. Прозаиксемпе поэтсем, библиотекарьсемпе журналистсем, вĕрентекенсемпе шкул ачисем хайлава хĕрӳ сӳтсе яврĕç. Мероприятие вулавăш ĕçченĕ Татьяна Семенова ертсе пычĕ.

  
• 21 декабря 2025

  «Варкăшра» урăх улах пулчӗ

  «Варкăш» литература клубӗ черетлӗ тӗлпулăва çӗнӗ форматпа ирттерес терӗ. Ытти чухне варкăшçăсем пӗр-пӗр кӗнеке вуласа килетчӗç те ăна сӳтсе яватчӗç, кăларăма пахалатчӗç. Хальхинче Чăваш наци библиотекине улаха пуçтарăнчӗç. Ахальлине те мар… урăххине.

  
• 20 октября 2025

  Элтияр Александров чăвашсен мифологийӗпе кӗнеке кăларнă

  Автор хӑйӗн ӗçӗнче 9-мӗш ӗмӗртен пуçласа паянхи кунчченхи тапхӑра илнӗ, чӑвашсем тӗнчене мӗнле курни тата вӗсен уяв йӑли-йӗрки çинчен çырса кӑтартнӑ.

  
• 11 октября 2025

  Вӗçен кайăксем çинчен хайланă ирӗклӗ сăвăсене Николай Мордяков яппунсен поэзи хурăмӗпе – хайккупа – çырнă

  Чăваш наци библиотекин «Чăваш кӗнеки» центрӗ çумӗнчи «Варкăш» литература клубӗ çуллахи кану тапхăрӗ хыççăн çӗнӗ сезонне уçрӗ. Хальхинче варкăшçăсем туслă йышпа Николай Мордяковăн «Юр çийӗн кăвар» хайкку пуххине пахалама пуçтарăнчӗç. Кăларăм çулла Чăваш кӗнеке издательствинче кун çути курнă. Аслă классенче вӗренекенсем валли хатӗрленӗскерне вӗçен кайăксем çинчен çырнă ирӗклӗ сăвăсем кӗнӗ. Вӗсен тӗнчине сăнласа пама автор яппунсен поэзи хурăмӗпе – хайккупа – усă курнă.

  
• 08 сентября 2025

  Ентешӗмӗрӗн, Нина Артемьеван, «Ӗмӗрхи кӗвӗ» çӗнӗ кӗнеки пичетленсе тухнă

  Нина Артемьева (Мокина Нина Николаевна) 1947 çулхи юпа уйăхӗн 20-мӗшӗнче Тутарстанри Аксу районне кӗрекен Çӗмӗртлӗ ялӗнче çуралнă. Емелькинăри тулли мар вăтам шкулта пӗлӳ пухнă. Вӗренсе тухсан Шупашкара куçса кайнă та паян кунччен çавăнта пурăнать.

  
• 27 мая 2025

  Константин Иванов çуралнăранпа 135 çул

  Паян, майăн 27-мӗшӗнче чăваш литературин классикӗ Константин Васильевич Иванов çуралнăранпа 135 çул çитрӗ. Чăваш поэзи çăлтăрĕн К.В.Ивановăн ĕмĕрĕ (1890-1915) ытла та кĕске пулнă, вăл 25 çул çеç пурăннă. Анчах унăн ячĕ, унăн пултарулăхӗ, унăн вилӗмсӗр «Нарспи» поэми чăваш литературин тата тӗнчери культура историне ĕмĕрлĕхех кĕрсе юлнă.

  
• 29 июля 2024

  Светлана Асаматăн «Акатуй сăввисем» кӗнеки тухрӗ

  Ачасем çуллахи каникулта канаççӗ, çӗнӗ вӗренӳ çулӗ валли вăй-хал пухаççӗ. Чăваш кӗнеке издательствинче тимлекенсем вара ырми-канми ӗçлеççӗ, вӗсем валли çӗнӗ кăларăмсем хатӗрлеççӗ. Тин кăна акă Светлана Асаматăн «Акатуй сăввисем» кӗнеки типографирен çитрӗ. Ăна вăтам классенче вӗренекенсем валли кăларнă. Ӳнерçисем – Мария Ермолаевăпа Екатерина Васильева.

  
• 23 июня 2024

  Шупашкарта Константин Малышевăн «Ачалăхăм» кӗнекин хăтлавӗ иртрӗ

  Унăн кӗнеки тухнă-тухманах, икӗ-виçӗ уйăхра, саланса пӗтрӗ. Халь ăна лавккасенче тупаймăн, библиотекăран çеç илсе вулама пулать. Туянса ӗлкӗрнисем вара пӗрре тишкернипех çырлахмаççӗ, çине-çинех ун патне таврăнаççӗ. Шкул ачисем ăна уроксенче сӳтсе яваççӗ, аслисем алăран ямасăр шӗкӗлчеççӗ, ваттисем куççульне шăлса илеççӗ. Кашниех унта хăйне çывăххине асăрхать.

  
• 12 июня 2024

  Юрату хавхалантарать те, тавлаштарать те

  Нумай пулмасть Чăваш кӗнеке издательствинче кун çути курнă «Чӗре тӗпӗнчи туйăм» кӗнекене пахаларӗç. Тӗлпулу поэтсемпе прозаиксене, библиотекарьсемпе журналистсене, редакторсемпе вӗрентекенсене пӗрлештерчӗ. Чи малтанах Чăваш кӗнеке издательствин тӗп редакторӗн çумӗ Ольга Федорова (Васильева) çыравçă кăларăма пухса хатӗрлени çинчен тӗплӗн каласа пачӗ.

  
• 04 февраля 2024

  Кăларăмра Петр Егоровăн кун-çулӗ, тӗнчекурăмӗ

  Нумай пулмасть Пичет çуртӗнче «Петр Егоров — наш современник» кӗнекен хăтлавӗ иртрӗ. Кăларăм Чăваш кӗнеке издательствинче кун çути курнă, ăна П. Е. Егоров зодчий ячӗллӗ «Ăрусен астăвăмӗ» культурăпа истори еткерлӗхӗн фончӗн учредителӗ тата директорӗ Евгений Дмитриев пухса хатӗрленӗ. Яваплă редакторӗ — Атнер Хусанкай, издательство редакторӗ — Владимир Степанов.

  
• 01 февраля 2024

  Хусанти Туслăх Çуртӗнче Константин Малышевăн кӗнекин хăтлавӗ иртрӗ

  Хăтлав питӗ те ырă лару-тăрура иртрӗ. Константин Малышев кӗнеке çырас ӗçе мӗнле пуçăнни, кам хавхалантарни, малашнехи плансем çинчен кăсăклă каласа пачӗ, калаври хăш-пӗр пулăмсене асăнчӗ. «Кӗнекене пандеми вăхăтӗнче çырма пуçларăм. Çынсене ВКонтактери хамăн калав йышши постсем килӗшнине асăрхарăм та шухăш тата та вăйланчӗ».

  
• 28 января 2024

  Чаплă пушмак — Аслă Çӗнтерӳ палли

  Илпек Микулайӗ фронтри чăн ӗç-пуçа, курни-илтнине, хăй чăтса ирттернӗ нуша-асапа блокнот çине çыра-çыра хунă

  
• 28 декабря 2023

  Тутарстанри чăваш писателӗсен кӗнекисене ТР Наци библиотеки управа илчӗ

  Тутарстанри Чăваш çыравçисен союзӗ Çӗнӗ çул умӗн ТР Наци библиотекине чăваш çыравçисемпе таврапӗлӳçисен кӗнекисене кайса пачӗ. Малашне вӗсем кӗнеке фончӗн списокне кӗрсе чăваш халăхӗн литература еткерӗ пулса ӗмӗр çакăнта упранӗç.