Рустам Минниханов КНИТУ – КАИ аталанăвӗ валли ятарласа çӗнӗ грант çирӗплетнӗ

Тутарстан Раисӗ Рустам Минниханов 2025 çулта А. Н.Туполев ячӗллӗ Хусан наукăпа тӗпчев технологи университечӗн – КАИ аталану программине тӗрев  парассипе грант йӗркелесси çинчен Указ кăларнă. Ăна право информацийӗн официаллӑ порталӗнче вырнаçтарнӑ.

Документа «Приоритет–2030» стратегиллӗ академи лидерствин федераллӑ программа пурнăçланăвӗпе килӗшӳллӗн йышӑннӑ. Укçа-тенке аэрокосмос, транспорт, фотон тата квант системисен енӗпе тӗпчевсем ирттерме тата çӗнӗ суверенлӑ технологи линийӗсене йӗркелеме, вӗренӳ программисене аталантарма ярӗç.

У‎казпа килӗшӳллӗн, грант Тутарстан Республикин бюджетӗнчен парăнать, ун калăпăшӗ 100 миллион тенкӗпе танлашӗ.

Республика ертӳçи Тутарстанăн Министрсен Кабинетне грант памалли йӗркене çирӗплетме, проекта укçа-тенкӗпе вăхăтлă  тивӗçтерме тата унпа тӗллевлӗн усӑ курнине тӗрӗслесе тӑма хушнӑ.

Владимир Васильев (Татар-информ) сăнӳкерчӗкӗ.