РФ Президенчӗ Владимир Путин Раççей çыннисене сентябрӗн 18-20-мӗшӗсенче иртекен Патшалăх думин тата регионти власть органӗсен депутачӗсен суйлавне хутшăнма ыйтнă. Кун пирки вăл сасăлав умӗн граждансене ятарлă чӗнсе каланинче пӗлтернӗ.
«Кашни суйлавçăн сасси пӗлтерӗшлӗ. Федераци парламентӗнче те, регионсенче те, вырăнти шайра та çынсен интересӗсене кам та мӗнле хӳтелесси пирӗнтен, кашнин харпăр суйлавӗнчен тӳрремӗнех килет», – тенӗ Владимр Путин.
Суйлава хутшăнасси кашни гражданинăн прави кăна мар, яваплăхӗ пулнине те палăртнă вăл.
«Ку пирӗн çӗршыва çирӗплетмелли пӗлтерӗшлӗ утăм», – тенӗ президент.
Владимир Путин суйлав законпа килӗшӳллӗн тата палăртнă вăхăтра иртессе шантарнă. Вăл сасăлав виçӗ кун хушшинче – сентябрӗн 18, 19 тата 20-мӗшӗсенче – иртессине те аса илтернӗ.
«Сирӗнтен конституци правине пурнăçа кӗртме, шухăшласа йышăну тума ыйтатăп. Çакă пирӗн обществăн çитӗнӗвӗпе çирӗплӗхне кăтартӗ», – вӗçленӗ сăмахне Владимир Владимирович.
Нет комментариев