Интервью, статьясем

• 29 марта 2025

  Вăрçă пуçланнине шанас килмерӗ...

  Çăмăл мар çар офицерӗн профессине суйланă çынсем Ишлӗ-Матак ялӗнче (Çӗпрел районӗ) нумай. Çамрăккисем пурте тенӗ пекех паянхи кун ятарлă çар операцийӗнче. Вӗсенчен пӗри – Юрий Сергеевич Воробьев капитан. Хусанти Танк училищинчен 2018 çулта вӗренсе тухсан распределенипе Дон-çи-Ростов тăрăхӗнчи çар чаçне лекнӗскер, ятарлă çар операцине пирвайхи кунсенченех хутшăнать. Çапăçусенче хăюлăхпа паттăрлăх кăтартнăшăн Паттăрлăх орденне, «Çапăçура палăрнăшăн», «СВОна хутшăннăшăн» медальсене тивӗçнӗ. Ентеш-офицерпа вăл кӗске отпуска таврăннă вăхăтра калаçма май пулчӗ.

  
• 22 февраля 2025

  Елена МАТВЕЕВА: «Повара нимле роботпа та ылмаштараймăн»

  Професси суйласа илесси çын пурнăçӗнче чи кирлӗ тапхăрсенчен пӗри. Камсем кирлӗ-ха паян ӗç рынокӗнче? Кашни сферăна цифровизаци, роботизаци кӗрсе пырсан та çавах çын аллисӗр ӗç тухмасть. Шăп çакăн йышши специальность пирки калаçрăмăр та биологи наукисен докторӗпе Елена Лаврентьевна Матвеевăпа. Пирӗн респондент Чăваш Енри Канаш районӗнчи Малтикасра, Çеçпӗл Мишшин тăван ялӗнче, çуралса ӳснӗ. Аслă пӗлӳ Хусанта илнӗ, çакăнтах пулас мăшăрӗпе паллашнă. Упăшки хăй пекех Чăваш Енрен, Йӗпреç районӗнчен. Матвеевсем ывăл çуратса ӳстернӗ.

  
• 11 января 2025

  Людмила СЕМЁНОВА: «Тăван чӗлхепе калаçма пăрахмастпăр?»

  Л.Семенован сăвă-калавӗсем хаçатра пичетленнине вулакансем асăрханă ӗнтӗ. Вăл аслă категориллӗ вӗрентекен, тăватă кӗнеке авторӗ. ЧР Писательсен союзӗн пайташӗ (2013), чăваш хӗрарăмӗсен Эмине ячӗллӗ премине (2014) тивӗçнӗ. Хăйӗн ӗçӗ-хӗлӗ пирки хаваспах каласа пама килӗшрӗ.

  
• 22 декабря 2024

  Сергей ПЕТРЯНКИН: «Ангел малта, эпир ун хыççăн»

  Ульяновскри тӗрлӗ çапăçусене хутшăннă ветерансен обществинчи ветеран-офицерсем Марс Саяпов, Владимир Ярухин, Федор Горобцов, Сергей Петрянкин тата ыттисем Украинăри ятарлă çар операцийӗ пуçланнăранпах хамăр салтаксем патне гуманитари пулăшăвӗ леçеççӗ. Куллен кирлӗ кӗпе-йӗмпе апат-çимӗçрен, маскировка сеткисемпе медикаментсенчен пуçласа техника таранах, кашнинче миллионшар тенкӗлӗх.

  
• 08 декабря 2024

  Тыл çӗнтерӗве çывхартать

  Чăнлă районӗнчи Пухтел ялӗнче (Ульяновск облаçӗ) йӗркеленсе кайнă «Сердечный ZOV» волонтерсен ушкăнӗ пӗтӗм район халăхне пӗрлештерме пултарнă. Пӗрлехи вăйпа фронтри ентеш-салтаксене май пур таран нумайрах та нумайрах пулăшма тăрăшать. Кăçал август уйăхӗнченпе кăна «Своих не бросаем» ыркăмăллăх концерчӗсем йӗркелесе 1 миллион та 166 пин тенкӗ укçа пухнă. Ку вăл пӗр акци кăна-ха, ытти тата мӗн чухлӗ. Волонтерсен ӗçӗпе пире «Сердечный ZOV» ушкăн кураторӗсенчен пӗри, пирӗн ентеш (Çӗпрел тата Пăва районӗсен мăнукӗ) Алена Валерьевна Спиридонова паллаштарчӗ.

  
• 02 декабря 2024

  Асия ТИМИРЯСОВА: «Университет атте ăна 30 çул каялларах курнă пек»

  Хусан инноваци университечӗ чи вăйлă аталанса пыракан аслă шкулсенчен пӗри. Унăн историйӗ Виталий Гайнуллович Тимирясов ячӗпе çыхăннă, шăпах вăл 1994 çулта Экономика, управленипе право институтне йӗркелесе янă. Çав çулах Çырчаллипе Анат Камăра филиалсем уçăлаççӗ, тепӗр çултан Элметре, Пӗкӗлмере, Ешӗлварта. Паян университет хăй йӗркелӳçин ячӗпе хисепленет.

  
• 09 ноября 2024

  Волонтер пулăшма яланах хатӗр!

  Сентябрӗн 30-мӗшӗнчен пуçласа октябрӗн 3-мӗшӗччен Ханты-Манси Автономи округӗнчи «Добрино» вӗрентӳ центрӗнче (Ханты-Мансийск хули) кӗмӗл волонтерсен VIII Пӗтӗм Раççей форумӗ иртрӗ.

  
• 12 октября 2024

  Çитта Миккуль: «Купăс маншăн чи çывăх юлташ»

  Чӑвашла юрлакансен хушшинче çирӗп утӑмсемпе малалла талпӑнакан тепӗр çӗнӗ çăлтăр çуталчӗ. Паян сире Николай Сидоровпа паллаштарас килет.

  
• 09 июня 2024

  Юрий Шекеев тата Людмила Вешкина: «Хамăр чăваш пулнипе мăнаçланатпăр»

  Раççейӗн хӗвеланăçӗнчи чи аякри хулинче Калининградра та Чăваш культура обществи ӗçлет

  
• 11 мая 2024

  Н. Николай:«Чи пӗлтерӗшли – тăшман кунта килмест»

  Виççӗмӗш çул пыракан ятарлă çар операцийӗ пирӗншӗн кашниншӗн тӗрӗслев, тырра хывăхӗнчен уйăрмалли вăхăт. Раççейшӗн кам тус, кам тăшман пулнине яр уççăн кăтартнисӗр пуçне хамăр çине урăх куçпа пăхма хистет вăл. Çак вăхăтра тылрисем эпир те, фронтрисем те улшăнтăмăр. Отпуска таврăннă салтаксемпе калаçсан уйрăмах сисӗнет ку. Ятарлă çар операцине мобилизаципе кайнă Хирти Кушкă (Пăва районӗ) каччипе Николай Н. та кун çинченех сăмах пуçартăмăр. Çулталăк çурă ӗнтӗ фронтăн пӗрремӗш линийӗнче дрон операторӗ вăл, вăхăчӗ калама çук хӗсӗк пулнине пăхмасăр «Сувар» хаçат редакцине кӗрсе тухма май тупрех.

  
• 30 декабря 2023

  «КУ КОНКУРС МАНА КӖТСЕХ ТĂНĂ ПУЛМАЛЛА»

  Юлия Еремеева 2023 çулта Хусанта тӗрӗк хӗрӗсен хушшинче иртнӗ «Науруз Гузеле» конкурсра çӗнтерчӗ, Красноярскра «Азия-Сибирь» конкурсра финала тухрӗ, Шупашкарта «Раççей Чăваш пики» конкурсăн тӗп титулне çӗнсе илчӗ.

  
• 18 января 2023

  Пурччӗ редакцире «СССР»

  Ҫав тери интереслӗ: Шӑмӑршӑ хаҫачӗн редакцийӗнче хушамачӗ «С» сас паллирен пуҫланакан ҫын нумайччӗ

  
• 27 августа 2021

  Раççейри паллă хирург тата пултаруллă прозаик Анатолий Волков

  Вырăс чӗлхи вӗрентекенӗ ăна филологи факультетне вӗренме кӗме ӳкӗтленӗ пулин те çамрăк Волковра тухтăр пулас ӗмӗт çӗнтернӗ. Анатолий Никандрович Хусанти медицина

  
• 19 июля 2021

  Кӗçӗн классенче вӗреннӗ чухнех пьесăсем çырма пуçланă

  Левтина Марьене чăвашла вулакансенчен нумайăшӗ аван пӗлет. Аслисем кăна мар, ачасем те. Вăл чăваш театрӗсем валли пьесăсем те сахал мар çырнă. Унăн тӗрлӗ çулсенче Чăваш кӗнеке издательствинче «Хитре Марье», «Пурçăн кӳлӗ вăрттăнлăхӗ», «Венчете санпа тăрасчӗ» тата ытти кӗнекисем тухнă. Алевтина Никитична Нестерова (Левтина Марьен чăн ячӗ) 1945 çулхи августăн 22-мӗшӗнче Чăваш Енри Сӗнтӗрвăрри районне кӗрекен Хурапха ялӗнче çуралнă. «Эп улттăра чух пирӗн çемье Çичӗпӳрте пурăнма куçрӗ. Халӗ икӗ ялӗ те мана хăйсен тесе хисеплеççӗ», – йăл кулать вăл. Алевтина Никитична Чăваш патшалăх пукане театрӗпе Чăваш патшалăх юрăпа ташă ансамблӗнче  ӗçленӗ, Çӗнӗ Шупашкарти Ача-пăчапа çамрăксен пултарулăх центрӗнче драма тата вокал кружокӗсем  ертсе пынă. 2001 çултанпа ЧР Писательсен союзӗн пайташӗ. Пӗлтӗр ăна «Чăваш автономи облаçӗ йӗркеленнӗренпе 100 çул» медальпе наградăланă.

  
• 19 июля 2021

  Дедушкин – асра юлакан хушамат

  Таврапӗлӳпе интересленсе кампа кăна тӗл пулман-ши эпӗ, кампа кăна калаçман-ши? Шупашкарта вӗреннӗ чухне Чăваш патшалăх университечӗн доценчӗпе Николай Степанович Дедушкинпа час-часах курнăçаттăм. Ытларах чухне хваттерӗнче пуплесе лараттăмăр. Вăл хамăрăн тăван яла – Пăва районӗнчи Элшеле – питӗ юрататчӗ. Час-часах Чăнлăпа Сӗве хутлăхӗнче çӳренине, пулă тытнине аса илетчӗ.