Интервью, статьясем

• 02 августа 2026

  Лариса Петрова: «Поэзи – чун киленӗçӗ, журналистика вара – ӗç»

  Нумаях пулмасть Алтай Республикипе Алтай крайӗ «Чӗлхе арт-резиденцийӗ. Сăмах кӗвви» Пӗтӗм Раççейри социаллă пӗлтерӗшлӗ проекта хутшăнакансене пуçтарчӗç. Тӗрлӗ халăх чӗлхипе сăвă-калав тата юрă çыракансем вунă кун тӗрлӗ ăсталăх урокне, кăвайтпа камин умӗнчи пултарулăх лабораторийӗсене хутшăнчӗç, тăван чӗлхесене упраса хăварассипе аталантарасси, литература хайлавӗсене интернет хутлăхӗнче сарасси пирки калаçрӗç, хăйсен произведенийӗсем тăрăх виçӗ концерт лартрӗç, видеоклипсем ӳкерчӗç, Алтай халăхӗсен культурипе паллашрӗç.

  
• 19 июля 2026

  СЕЛЕНА: «Пултаратăн пулсан, малалла ăнтăлмалла»

  Чӑваш эстрадинче çӗнӗ çӑлтӑрсем çуталнине ырламалла. Çамрӑк юрлакансем хитре те çепӗç сассипе, хӳхӗм кӗлеткипе куракана тыткӑнлаççӗ. Вӗсен те аталанмалла, малалла талпӑнмалла, итлекене юрӑсемпе савӑнтармалла. Вулакансене каччăсен чӗрисене «çунтаракан» Селена юрӑçпа паллаштарма шутларӑм. Вырӑсла та юрăсем юрлать.

  
• 21 июня 2026

  Лондонра аван та, килте лайăхрах!

  Пире, Хусантан Лондона вӗренес тата курса çӳрес меслетпе килнӗ 24 çынна, аэропортра пӗр хӗрарӑм ӑшшӑн кӗтсе илчӗ, автобус патне ертсе кайрӗ. Пӗлнӗ-пӗлмен чӗлхепе мӗнле кӑна ыйту памарӑмӑр-ши?

  
• 06 июня 2026

  О вере, культуре, Яковлеве и ИИ в беседе со священником

  С отцом Сергием я познакомилась во время рабочей поездки в Апастовский район. Хоть у меня есть некий опыт общения с духовными лицами, не могу сказать большой, но и не маленький, так как все относительно в этом мире, но каждый раз в первые минуты, когда встречаю их в неформальной обстановке, чувствую то ли смущение, то ли некоторую неловкость. Как вести себя, что и как говорить? В храме, понятно, принято просить благословения, а в светской обстановке уместно ли будет или просто поздороваться как с обычным человеком?

  
• 26 апреля 2026

  Владимир Ярухин: «Йытăсем вӗрместчӗç, вӗçен кайăксем юрламастчӗç...»

  Чернобыльти атомлă электростанцин 4-мӗш энергоблокӗнче авари пулнăранпа (1986 çул, апрелӗн 26-мӗшӗ) 40 çул çитрӗ. Çӗр çинчи чи пысăк техногенлă аварие пӗтерме СССР çӗршывӗн пин-пин çынни хутшăннă. Паллă ӗнтӗ, чи малтан çар çыннисем çитнӗ. Çав шутра Çӗпрел районӗнчи Çӗнӗ Упи ял чăвашӗ Владимир Ярухин та. Вӗсен, ун чухнехи милици шкулӗн курсанчӗсен (халӗ Ульяновск хулинче пурăнать, отставкăри подполковник), Чернобыльте мӗнле задача тăни пирки каласа пама килӗшрӗ.

  
• 05 апреля 2026

  Валентина Петрова: «Эпӗ урăхла ӗçлеме пӗлместӗп»

  Валентина Николаевна Петрова – пысăк опытлă педагог. Ӗç стажӗ 29 çул, вӗсенчен 27 çулне Çӗпрел районӗнчи Чăваш Çӗпрелӗнчи вăтам шкулта чăваш чӗлхипе литературине вӗрентет. Унăн вӗренекенӗсем тăван чӗлхепе литературин республика олимпиадин, конкурссен тата наукăпа практика конференцийӗсен çӗнтерӳçисем.

  
• 21 февраля 2026

  Августа Уляндина: «Йăх ятне çӳле çӗклес килет»

  Çитес эрне пуçламăшӗнче, февралӗн 23-мӗшӗнче, Августа Ульяндина хăйӗн юбилейне паллă тăвать. Çак кунах вăл Шупашкарти Трактор тăвакансен керменӗнче пысăк концерт парать. Юрăç пӗлтернӗ тăрăх, куракан валли нумай сюрприз хатӗрленӗ. Унта Дмитрий Тетел хăйӗн оркестрӗпе, «Ярды» ушкăнăн тӗрлӗ çулти йышӗсем, Александр Самсонов юрăç, «Çеçпӗл», «Болгар кызлары» ушкăнсем, «Горница» ташă ушкăнӗ хутшăнасси паллă

  
• 31 января 2026

  Елена Мустаева: «Чăвашла вулакан ăру килетех»

  Ульяновск облаçӗнчи чăвашсен «Канаш» хаçатне 2018 çултанпа Елена Мустаева (сăнӳкерчӗкре) ертсе пырать. Çак кунсенче, тӗрӗсрех каласан январӗн 27-мӗшӗнче, вăл 60 çулхи юбилейне паллă турӗ. Мӗнле кăмăл-туйăмпа, мӗнле шухăшсемпе кӗтсе илчӗ-ха «Канаш» хаçатăн тӗп редакторӗ паллă куна? Çак тата ытти ыйтусене хавхалансах хуравларӗ вăл.

  
• 05 октября 2025

  Александра УРУКОВА: «Чăн-чăн вӗрентекен пулма хамăр ӗçе юратмалла»

  Сентябрӗн 26-мӗшӗнче Элкел районӗнчи Сиктӗрмере иртнӗ чăваш ачисен «Аталан» форумӗнче спикерсен шутӗнче хальхинче чăваш çамрăкӗсен тӗнчинчи паллă блогер Шанăçпи те пулчӗ. Ачасем те, учительсем те питӗ пысăк кăсăкланупа итлерӗç, интереслӗ мастер-класшăн тав турӗç ăна. Форумра пулнă Çӗпрел районӗнчи Матак шкулӗн директорӗ М.И.Ермолаева пире Шанăçпи пирки хăйӗн шухăшне пӗлтерчӗ: «Питӗ ӑста, пултаруллӑ, пысӑк туйӑмлӑ преподаватель. Çӑвара карса итлесе лартӑмӑр, татах та татах калаçтарас килчӗ. Эп хам 10 çул ытла директорта ӗçлетӗп, ытти çулӗсене пурне те директор çумӗнче тăрăшнă, çавӑнпа та питӗ лайӑх пӗлетӗп – мӗнле учитель ачасене кӑсӑклантарма пултарать, хӑшӗ вара 45 минута ирттересчӗ те ӗç укçине çеç тӳлеччӗр тет. Александра шӑлт ачасене кӑсӑклантарма пултаракан вӗрентекен. Ман ăна татах та итлес, унӑн методикипе паллашас килет. Хӑй çунса, ташласа тӑни тата унӑн чӗлхе вӗрентес ӗç меслечӗсем тӗлӗнтерчӗç. Вӑл ачасемшӗн те, пирӗншӗн те витӗмлӗ тӗслӗх, пултаруллӑ талант». Çавăнпа Александра Уруковăпа (Шанăçпин чăн ячӗпе хушамачӗ) хамăр вулакансене тӗплӗнрех паллаштарас шутпа унпа çыхăнтăмăр.

  
• 28 июля 2025

  Ирина Большакова: «Вӗрентекен хистенипех çырас туртăм çуралчӗ»

  Паянхи хăна – Çӗпрел районӗнчи Куршанкă Шăхаль ялӗнче çуралса ӳснӗ вӗрентекен Ирина Николаевна Большакова. Шăпи ăна Хусан хулине илсе çитернӗ. Халӗ вăл шӗкӗр хулари пӗр вӗрентӳ центрӗнче ачасене вӗрентет. Ӗçленӗ хушăрах сăвă-калав та çырма вăхăт тупать, куçару ӗçӗпе те аппаланать. «Сувар» вулакансене хăйӗн пурнăçӗпе, литературăри ӗçӗ-хӗлӗпе паллаштарма хапăл турӗ.

  
• 14 июня 2025

  Чăваш шкулӗсене часах çӗнӗ кӗнекесем çитӗç

  Тутарстанри чăваш шкулӗсем кӗçех тăван литературăпа çӗнӗ кӗнекесем илӗç. Çӗнӗ вӗренӳ çулӗ умӗн питӗ те савăнтаракан хыпар. Ăна пире Тутар кӗнеке издательствин директорӗ Ильдар Сагдатшин пӗлтерчӗ. ТР Раисӗ çумӗнчи Тутар чӗлхине тата Тутарстанра пурăнакан ытти халăхсен чӗлхисене аталантарассипе комисси ӗçлеме пуçланăранпа наци вӗрентӗвӗпе çыхăннă ыйтусем хăвăрт татăлма пуçларӗç. Комисси ертӳçи Марат Ахметов çине тăнипе наци шкулӗсене планпа методика тата вӗрентӳ пособийӗсемпе тивӗçтерсе пыраççӗ, халӗ акă черет литература патне çитрӗ. Ильдар Сагдатшин пӗлтернӗ тăрăх, пурӗ 11 пин кӗнеке туяннă наци шкулӗсем валли. Сăмах чăваш, мари, мордва, удмурт шкулӗсем пирки. Кама мӗн чухлӗ кӗнеке парасси, вӗсене мӗнле майпа салатасси пирки пулчӗ пирӗн интервью издательство директорӗпе.

  
• 25 апреля 2025

  Максим Кузнецов: «Чăваш хӗрне халалласа сăвă та çыртăм»

  Максим Кузнецовпа паллашни виç-тăватă çул та пур пулӗ. Вăл вырăс ачи, çамрăк ăсчах, Раççей наука академийӗн Хусан наука центрӗн сотрудникӗ, полиглот. Çамрăк ăсчах вак тата Атăлçи халăхӗсен чӗлхисене тӗпчессипе ӗçлет. Кӗске хушăрах удмурт, тутар чӗлхисене алла илнӗскер нумай пулмасть чăвашла та калаçма пуçланă. Калаçнисӗр пуçне грамматикине алла илнӗ. Ку кăна та мар, тутар чӗлхине вӗренес текенсем валли кӗнеке кăларнă.

  
• 18 апреля 2025

  Çӗнӗ шăпăр çӗнӗлле шăлать-и?

  Юбилей каçӗнче эпир Сергей Петровпа паллашрăмăр, ертӳçӗн шухăш-кăмăлӗ çинчен ыйтса пӗлтӗмӗр.

  
• 13 апреля 2025

  Чăваш позывнойлă командир

  Ятарлă çар операцине тулли мар мобилизаципе 2022 çулхи октябрӗн 26-мӗшӗнче кайнă Алексей Анатольевич Ягашкин сержантăн (Çӗпрел районӗнчи Кивӗ Çӗпрел ялӗ) çар тумӗ çине «Чуваш» тесе çырни тӳрех куç тӗлне пулчӗ. СВОри атьсен сăмахӗсем тăрăх, позывноя салтаксем нумай чухне хăйсемех суйлаççӗ... Пӗлтӗр апрель уйăхӗнче йывăр аманнă командира çарпа медицина комиссийӗн декабрь уйăхӗнчи йышăнăвӗпе запаса янă. Алексей хальхи вăхăтра мирлӗ пурнăçа хăнăхать. Ентешӗмӗрпе эпир Алешкин Саплăк ялӗнче ятарласа тӗл пултăмăр.

  
• 05 апреля 2025

  Хальхинче юррăма жюрие мар, халăха хаклаттарас килет

  «Анне ман Раççей, атте Тутарстан...» – çапла юрлать Хусан хӗрӗ Элина Нишева хăйӗн «Я – Россиянка» юрринче. Çӗнӗ юрă интернетра хăй итлекенне тӳрех тупрӗ, ăна халӗ тӗрлӗ çултисем итлеççӗ. Патриотизм темипе юрăсем çыракан çамрăк авторпа эпир ятарласах тӗл пулас терӗмӗр.