Купăсçăсен конкурсне хутшăнакансен хăйсен шутӗнчен апатланма тивӗ

Май уйăхӗн 27-мӗшӗнче Тутарстанри Çӗнӗ Шуçăм ялӗнче чăваш халăх пултарулăхӗн республикăри «Выля, хут купăс!» конкурс-фестиваль иртет. Конкурса йӗркелекенӗсем «Тутарстан халăхӗсен Ассамблеи» РОО, Тутарстанри Халăхӗсен туслăх çурчӗ, ТР ЧНКАпа ТР Çӗнӗ Шуçăм муниципаллă районӗ. Конкурса купăсçăсемсӗр пуçне тӗрлӗ оркестрсем, юрлакансем, хутăш ансамбльсем тата ыттисем те хутшăнаççӗ. Вӗсем чăвашсен стилӗпе пӗр музыка произведенине кăтартмалла. Конкурса пӗтӗмлетсе кашни хутшăнакана сертификат параççӗ, çӗнтерекенсене дипломпа парнесемпе чыслаççӗ. Анчах та апатоантару тӗлӗшӗнчен - хăйсен шутламалла пулать. Конкурсăн Положенине «Сувар» хаçатăн çитес номерӗнче пичетлетпӗр.