Кӑрлач уйӑхӗнче Анат Камăри А.А.Шаповалов ячӗллӗ 31№ шкулта «Халӑх тумӗ» ятпа иртнӗ конференци-конкурса пирӗн гимназире 8-мӗш класра вӗренекен Аэлита Краснова та хутшӑнчӗ.
«Музей экспоначӗ» номинацире хăйне тивӗçлӗн кăтартма ӑна чӑваш чӗлхи вӗрентекенӗ О.Г.Тудиярова тата педагог-организатор Н.Ю.Ильдерянова пулӑшрӗç. Аэлита чӑваш хӗрарӑмӗн çи-пуçӗ, атă-пушмакӗ çинчен каласа пачӗ, жюри пайташӗсене чӑваш тӗррин тӗрлӗ енӗсемпе, вӗсен пуянлӑхӗпе паллаштарчӗ. Хамăр таврари халăхсемпе нумай пӗрпеклӗх пуррине те палăртрӗ чăваш гимназийӗн вӗренекенӗ.
Аэлита çак конкурсра 2-мӗш вырăн йышăнчӗ. Эпир ăна саламлатпăр, пысăк çитӗнӳсем тума сунатпăр.
Олеся Георгиевна ТУДИЯРОВА, чăваш чӗлхипе литература вӗрентекенӗ.
Автор сăнӳкерчӗкӗ.
Нет комментариев