28-мӗш чунçӳрев Казахстана!

Июлӗн 2-мӗшӗнче чăвашсем Шупашкартан автобуссемпе 28-мӗш чунçӳреве тухаççӗ, тесе пӗлтерчӗ ЧР Кинематографисчӗсен союзӗн ертӳçи, чăваш несӗлӗсем авал пурăннă вырăнсене чунçӳрев йӗркелӳçи Олег Цыпленков. Кăçалхи маршрут: Шупашкар - Чӗмпӗр - В.Игнашкино - Актюбинск - Аральск - Кызыл Орда - Туркестан - Чимкент - Мон Булак.

Хальхинче чунçӳревçӗсем Хӗвеланăç Тӗрӗк Каганачӗн 6-7-мӗш ӗмӗрсенче пулнă тӗп хулисенчен пӗрне, Дуло йăхӗн çар пуçӗ тăнă вырăна çитсе килеççӗ. Вăл Атăлçи Пăлхар патшалăхӗ умӗнхи штабӗ, пăлхар-чăвашсен несӗлӗ шутланать. Тӗп хули хальхи Кăнтăр Казахстан облаçӗн территорийӗнче вырнаçнă. Тӗпчевçӗсем ӗнентернӗ тăрăх, Хӗвеланăç Тӗрӗк Каганачӗн официаллă чӗлхи огур (пăлхар) ушкăнӗнчи. Çак ушкăнăн паянхи кунччен упраннă пӗртен-пӗр представителӗ вăл чăваш (пăлхар) чӗлхи! Кăмăл пуррисем, чунçӳреве хутшăнăр! Чунçӳрев хакӗ аслисем валли - 10 пин, студентсем валли 5 пин тенкӗ.

Сăмах май, çитес çулсенче Францие, Атиллăна вăхăтлăха тытса чарнă Каталун хирӗсене (Труа хули çывăхӗ), çаплах Венгрие, Атиллăн штабӗ пулнă вырăна, чӳнçӳревсем йӗркелес шухăш пур.

Тӗплӗнрех ыйтса пӗлмелли телефон: 89276679323 ( Олег Цыпленков).