2025 çула пӗтӗмлетсе Тӳрӗ лини иртет

Паян 12 сехетре РФ Президенчӗ Владимир Путин иртсе каякан 2025 çула пӗтӗмлетессипе Тӳрӗ лини ирттерет. Виççӗмӗш хут Владимир Владимирович пӗрлешӳллӗ Тӳрӗ лини – журналистсем те, ытти Раççей гражданӗсем те ыйту параççӗ – ирттерет. Ыйтусене, сӗнӳсене икӗ эрне каяллах йышăнма пуçланă. Тӳрӗ лини пуçланнă тӗле 3 миллион ытла ыйту илни çинчен пӗлтернӗ РФ Президенчӗн пресс-секретарӗ Дмитрий Песков.

Текстпа та, видеоыйтусемпе те Президент патне «ВКонтакте» тата «Одноклассники» социаллă сетьсенчи vk.com/moskvsputinu тата ok.ru/moskvaputinu ушкăнсенчен Тӳрӗ лини вăхăтӗнче те йышăнаççӗ. MAX мессенджерăн max.ru/moskvaputinu чат-бочӗпе те усă курма пулать.

Сăнӳкерчӗк kremlin.ru сайтран.