Ачасене вӗрентет, конкурсра та çӗнтерет, пӗлӗвне тата ӳстерӗ

Хусанти 185№ лицейра вырăс чӗлхипе литератирне вӗрентекен Ксения Чеботарева «Лидеры России» конкурсăн округри финалӗнче çӗнтернӗ. Çӗршывăн 300 топ ертӳçин шутне кӗрсе вӗренме грант çӗнсе илнӗ. 

Финала тухнисен Раççейри пысăк корпорацисен топ-менеджерӗсемпе пӗрле ӗçлӗ ыйтусене татса пама тивнӗ. Çакăн хыççăн власть, бизнес çыннисене хăйсен идейисемпе паллаштарнă. Ксения Чеботарева команди «Роскосмос» ертӳçисемпе «Независимая газета» генеральнăй директорӗ Константин Ремчуков умӗнче хӳтӗленӗ хăйсен проектне. 

Ксения лицейре ӗçленӗ вăхăтрах Тутарстан вӗрентӳ аталанăвӗн институтӗнче наука тӗпчевӗсем илсе пырать.

Сăнӳкерчӗк KZN.ru сайтран.