Африка корпусӗнче служба иртме 15 çын кайнă

Аса илтеретпӗр, Африка корпусне 2023 çулта йӗркеленӗ. Вăл РФ Оборона министерствин проекчӗ, кризислă лару-тăрура Раççей интересӗсене тӗнчен хуть хăш кӗтессинче те хӳтӗлеме хатӗр пултăр тесе йӗркеленӗ ăна.

Африка корпусне службăна лекес текенӗн Раççей гражданинӗ пулмалла. Рядовойсемпе сержантсен йышне 45 çулччен, командирсенне – 55 çулччен илеççӗ. Ӳт-пӳ пиçӗлӗхне тата сывлăх çирӗплӗхне кура çак ӳсӗмсенчен аслăраххисене те илме пултараççӗ. Кулленхи дислокаци вырăнӗнчи ӗç укçи 45 пин тенкӗрен пуçласа, командировкăра вара 230 пин тенкӗрен пуçласа пулать.

Унччен çарпа çыхăннă ӗçре пулнисене, тӗрлӗ çапăçусене хутшăннисене пуринчен ытла хапăл йышăнаççӗ.

Кандидат вăтам, профессиллӗ вăтам е аслă пӗлӳллӗ, РФ Хӗç-пăшаллă çарӗсенче тата шăрăх климатлă çӗршывсенче служба иртме хатӗр пулмалла. Чи кирлӗ услови – чикӗ леш енне кайма ирӗк пурри. Вăл пултăр тесен вара парăмсем пулмалла мар.

Сăнӳкерчӗксем «Татар-информ» ИА.