Алина Загитовăпа Александр Поветкина БРИКС Вăййисен посолӗ пулма суйланă

ТР спорт министрӗ Владимир Леонов спортсменкăна сертификат панă. Çакăн пирки «Татар-информ» информаци агентствине Республикăн «Татмедиа» пичетпе массăлла коммуникацисен агентствин представителӗ Дина Газалиева Санкт-Петербургран пӗлтернӗ. 

Çавăн пекех асăннă турнирăн посолӗ пулма Раççей боксерне, Вологда облаçӗн вице-кӗпӗрнаттăрне Александр Поветкина та суйланă. 

Аса илтеретпӗр, БРИКС Вăййисем Хусанта июнӗн 12 — 23-мӗшӗсенче 16 спорт объектӗнче иртеççӗ. 97 çӗршывран 5 пине яхăн спортсмен килмелле унта хутшăнма. 27 спорт дисциплинипе иртекен ăмăртусенче 387 медаль комплекчӗ вылянтарӗç.

Сăнӳкерчӗк ТР Спорт министерствин пресс-службин.