Аслă Çӗнтерӗвӗн юбилейӗ тӗлне 6 пин волонтер хатӗрлесшӗн

Волонтер пулма 14 çултан иртнӗ кашни çын пултарать. Вӗсен волонтерыпобеды.рф сайта кӗрсе заявка ямалла. Доброволецсем Тăван çӗршывăн Аслă вăрçине тата ятарлă çар операцине хутшăннă ветерансене пулăшу панă çӗре хутшăнӗç, Аслă Çӗнтерӗве халалланă мероприятисене ирттерме пулăшӗç. Анчах волонтерсен çӗршыв историйӗпе унăн культура кодне пусăм туса ятарлă вӗрентӳ программине иртмелле.

Республикăри хăш-пӗр çамрăк заявка яма ӗлкернӗ те. Анат Камăра пурăнакан Татьяна Аюпова заявка йышăнас кампани пуçланнă вăхăтрах анкета янă.

«Çитес çулталăк Çӗнтерӳ волонторӗсемшӗн питӗ пӗлтерӗшлӗ. Аслă Çӗнтерӳ çинчен малалла та каласа пама пăрахмалла мар, уйрăмах пирӗн историе улăштарса çырса пама тăрăшнă вăхăтра. Заявка йышăнас тапхăр пуçланнине онлайн пăхнă вăхăтрах хулари активистсемпе пӗрле заявка ятăмăр», – каласа панă Татьяна Аюпова.

Паянхи куна Тутарстанра 238 пин ытла волонтер шутланать, вӗсенчен 14 пине яхăн Çӗнтерӳ волонтерӗ.

Сăнӳкерчӗк minmol.tatarstan.ru сайтран.