Çамрăксен фестивальне хутшăнма регистраци пырать

Фестиваль сентябрӗн 11–17-мӗшӗсенче Екатеринбургра иртет. Вăл 100 ытла çӗршывран 10 пин çамрăк лидера пӗрлештерет. Мероприятие хутшăнма апрелӗн 30-мӗшӗччен wyffest.com сайтра регистраци иртмелле.

Халăхсен хушшинчи çамрăксен фестивальне 35 çула çитмен 5 пин Раççей çынни тата 5 пин ют çӗршывран килнисем хутшăнӗç, çав шутра 14-17 çулсенчисем (500-шӗ Раççейрен, 500-шӗ ют çӗршывран). Тӗп программа хыççăн ют çӗршывран килнӗ  1 пин çамрăк Раççей тата Абхази регионӗсене çитсе паллă вырăнсемпе тата тӗрлӗ халăхсемпе  паллашӗç, экспедицисене хутшăнӗç, çӗршывăн технологи çитӗнӗвӗсене курӗç, çавăн пекех Раççейӗн историпе культура еткерлӗхӗ тата çӗр-çӗр халăхăн ӗмӗртен пыракан пӗрлӗхӗ çинчен ытларах пӗлӗç.

Фестивале ирттерме  Раççейрен 2 пин доброволец хутшăнасси паллă. Вӗсем 17 енпе – логистикăпа аккредитацирен пуçласа делегацисене ăсатасси тата контент тăвасси таран – ӗçлӗç. Тӗп программа хыççăн доброволецсем ют çӗршыв делегацийӗсемпе регионти экспедицисене те хутшăнӗç. Кандитатсен 16 çултан аслăрах, волонтер ӗçӗнче опыт пулмалла, ют чӗлхесене тата командăра ӗçлеме пӗлмелле. Фестивале волонтер пек хутшăнас тесен март уйăхӗн 31-мӗшӗччен Добро.рф сайтра регистраци иртмелле.

ТР çамрăксен ӗçӗсен министерствин пресс-службин сăнӳкерчӗкӗ.