Çарăмсансем сухан кукăлӗ çиме кӗтеççӗ

Районăн пысăк уявӗсене ирттерекен «Сабантуй» стадионта пулӗ вăл. Фестивале Раççейри  Халăхсен пӗрлӗхӗн çулталăкне, Тутарстанри Çарпа ӗç паттăрлăхӗн çулталăкне тата Çарăмсан районӗнчи Туризм çулталăкне халалланă. Хăнасене ал ӗçӗсен, сухан ярмăрккисем, мастер-классем, суханран хатӗрленӗ апат-çимӗç кӗтет. Ачасем валли халăх вăййисене выляттаракан кану зонисем йӗркелӗç.

Фестивальте вокал тата фольклор ăсталăхӗн, авалхи йăла-йӗркесен, «Сухан ăсти» этно-чиперккесен, «Сухан кӗрешӗвӗ» конкурссем ирттерме палăртнă. Хутшăнас текенсен заявкăсене августăн 3-мӗшӗччен ямалла. Фестивалӗн положенийӗпе, конкурссене хутшăнмалли заявкăсен формипе ТР Халăхсен ассамблейин тата Халăхсен Туслăх Çурчӗн порталӗнче  паллашма пулать.

В.Александрова сăнӳкерчӗкӗ.