Чăваш Енрен Тутарстан опычӗпе паллашма килнӗ

Тӗлпулура министр çумӗ – вӗрентӳ сферинчи надзорпа контроль департаменчӗн ертӳçи Рамис Музипов вӗрентӳ системинче коррупципе кӗрешес мерăсене еплерех пурнăçлани пирки каласа панă. ТР Вӗрентӳпе наука министерствин Ачасене хушма вӗрентӳ парассипе ӗçлекен уйрăмӗн пуçлăхӗ Айгуль Кашапова тата Наукăпа техника политикин уйрăмӗн ертсе пыракан канашçи Джалиль Мотыгуллин коррупципе кӗрешес енӗпе ирттерекен конкурссемпе паллаштарнă.

ТР Вӗрентӳ аталанăвӗн институчӗн кафедра заведующийӗ Дмитрий Улбутов та, ТР çамрăксен ӗçӗсен министрӗн пӗрремӗш çумӗ Софья Мустафина та хăйсен опычӗ пирки каласа панă Чăваш Ен делегацине.

 Чăваш Республикинчен килнӗ хăнасем тутарстансем тăвакан ӗçе пысăк хак панă. Енсем хăйсен опычӗпе тата пӗлӗвӗпе пӗр-пӗрне паллаштарсах тăма, малашне ку ыйтупа пӗрле ӗçлеме калаçса килӗшнӗ.

Сăнӳкерчӗк mon.tatarstan.ru сайтран.