Чăваш Кăйкăрӗн юбилейӗ

2024 çулта Чăваш Енре Андриян Николаев çуралнăранпа 95 çул çитнине паллă тăваççӗ. Чăвашсен пӗрремӗш космонатне халалласа юбилей мероприятисем ирттереме палăртнă. 

Чăваш Республикин Министрсен Кабинечӗн 21.12.2023 № 1534-p хушăвӗпе А. Г. Николаевăн 95 çулхи юбилейӗн тӗп мероприятисене хатӗрлесе ирттерессипе плана çирӗплетнӗ. Унта конкурссем, тематикăлла лекцисем, куравсем, интерактивлă программăсем, наукăпа практика конференцийӗсем тата спектакльсем кӗнӗ. ЧР Культура, национальноçсен тата архив ӗçӗн министерстви А. Г. Николаева халлланă пысăк мероприяти ирттерет. 
СССР летчик-космонавчӗн Андриян Николаевăн мемориаллă комплексӗ ачасен пултарулăх ӗçӗсен «Асамлă космос» республика шайӗнчи конкурс ирттерет. Çаплах «Чăваш Енӗн çăлтăрлă Кăйкăрӗ» тата «Андриян Николаев — Шупашкар хулин хисеплӗ гражданинӗ» куравсем, «Чăваш çӗрӗн мухтавлă ывăлӗ» митинг, «Восток-3» ачасен активлă радиостанцин уйăхлăхӗ пулать. Сентябрь уйăхӗнче А. Г. Николаев ячӗпе Çӗнӗ Шупашкартан Шуршăла велосипедпа чупассине плана кӗртнӗ. 

Шупашкарти ӳнер училищи те хăйӗн тӳпине кӗртет: «В объективе» Пӗтӗм Раççейри ӳнер фотографийӗн конкурсне йӗркелет. ЧР Наци библиотекинче космос пӗлӗвӗн эрниисем тата «Чувашия космическая» наукăпа практика конференцине йӗркелеççӗ. 

Тата нумай мероприяти иртӗ çитес 2024 çулта Андриян Григорьевича халалласа. ЧР Культура, национальноçсен тата архив ӗçӗн министерстви çеç мар, ытти ведомствăсем те пӗрремӗш чăваш космонавчӗн 95 çулхи юбилейне анлăн паллă тăвӗç. 

Сăнӳкерчӗк culture. cap. ru сайтран