Чарусене чакараҫҫӗ, Анчах пурне те мар

 Коронавирус сарӑлнине пула кӗртнӗ чарусенчен чылайӑшне пӑрахӑҫланӑ, Анчах пурне те мар. Сӑмахран, Суту-илӳ центрӗсем уҫӑлнӑ, обществолла апатлантару вырӑнӗсене те (ресторансемпе кафесем, столовӑйсем) ӗҫлеме ирӗк панӑ.

Уҫӑ сывлӑшра банкетсем ирттерме юрать, анчах хӑнасен шучӗ 50 ҫынран иртмелле мар.

Апла пулин те, ҫӗнӗ коронавирус инфекцине пула кӗртнӗ чарусем Тутарстанра нумайччен тӑсӑлӗҫ. Ҫын нумай пухӑннӑ вырӑнсенче перчеткепе маска режимне пӑхӑнмах тивет, уйрӑмах ҫынсем хушшинчи 1,5 метр хутлӑхлӑ социаллӑ дистанцие тытса пыма май ҫук вырӑнсенче. Чи малтан ҫакӑ лавккасемпе транспорта пырса тивет.