Чӗмпӗр чӑвашӗсен ҫӗнӗ сайт уҫӑлнӑ

  Чăваш наци конгресĕнче "Раççей чăваш пики-2020" конкурсра "Чăваш Ен тулашĕнчи чи пултаруллă пике" номинацире çĕнтернĕ Чĕмпĕр тăрăхĕнче пурăнакан пике, Алина Борисова пулнӑ. Ҫакӑн ҫинчен "Канаш" хаҫатӑн ҫӗнӗ chemper-en.ru сайчӗ пӗлтерет. 

 Унпа пĕрле амăшĕ, хавхалантаракан тăванĕсем пулнӑ. Ҫӗнтерӳҫӗ-пикен амӑшӗ Шӑмӑршӑ районӗнчи Анат-Чаткас ялӗнчен, ҫавӑнпа та вӗсем Чӑваш Еншӗн тунсӑхласа республикӑна час-часах килеҫҫӗ.

Алина ҫемйи Чăнлă районĕнчи Çĕнĕ Улхаш ялĕнче пурăнать, хӗр ку ялти вăтам пĕлÿ паракан шкулăн 10 класĕнче вĕренет.

Пултаруллă пикене ЧНК вице-президенчĕ Анатолий Ухтияров саламланӑ, номинацире çĕнтернĕшĕн тата конкурсра хутшăннăшăн Диплом парса чыс тунӑ парнепе хавхалантарнӑ. 

Аса илтеретпӗр, кӑҫал "Раҫҫей чӑваш пики" илемпе пултарулӑх конкурсӗ онлайн-меслетпе иртнӗ.

​​​​​​