Чиперккесем, васкăр: «Сувар пики – 2023» конкурса заявкăсем йышăнас тапхăр вӗçленсе пырать
Хаклă вулакансем! «Сувар пики – 2023» конкурса заявкăсем йышăнас тапхăр вӗçлениччен нумай та вăхăт юлмарӗ. Аса илтеретпӗр: чиперккесенчен сăнӳкерчӗксемпе пултарулăх номерне кăтартакан видеороликсене мартăн 31-мӗшӗччен йышăнатпăр. Онлайн-сасăлав апрелӗн 3 – 7-мӗшӗсенче иртӗ.
Мӗн тумалла-ха конкурса хутшăнас тесен? 14 – 24 çулти пикесен анкета-заявкăна (ăна хаçатăн сайтӗнче положенипе пӗрле вырнаçтарнă. – Ред.) çырса тултармалла, чăвашла хăй çинчен каласа паракан кӗске видеовизитка (1 минутлăх) тата пултарулăх номерӗн видеороликне (1-2 минутлăх), икӗ сăнӳкерчӗк – портретли тата пӳ çӳллӗшпех ӳкерни (в полный рост) – хатӗрлемелле, çаксене пурне те «Сувар» редакцине suvar@mail.ru электронлă адреспа е 89179076881 телефон номерӗ çине «Сувар пики – 2023» конкурса» тесе палăртса мессенджерсем урлă ярса памалла. «Сувар пики» титула илнӗ хӗр «Тутарстан Чăваш пики – 2023» конкурса хутшăнма тивӗçет (вăл апрелӗн 21-мӗшӗнче Хусанта иртет. – Ред.).
«Сувар пики – 2023» конкурсăн положенийӗпе suvargazeta.ru сайтра паллашма пултаратăр. Эппин, чăваш хӗрӗсем, васкăр, сиртен çак уйăх вӗçлениччен заявкăсем кӗтетпӗр!
Следите за самым важным и интересным в Telegram-каналеТатмедиа
Нет комментариев