Çӗнӗ çул — ачасем çуралаççӗ, çемьесем чăмăртанаççӗ

2024 çулхи яварӗн 1 — 7-мӗшӗсенче Хусанта 57 арçын ача тата 60 хӗрача çурални çинчен пӗлтерет хулан ЗАГС управлениӗ. 2023 çулхи декабрӗн 31-мӗшӗнчен çӗнӗ çулăн 1-мӗш кунӗнчех Республикăмăрăн тӗп хулинче 29 ача çуралнă — 14 хӗрача, 15 арçын ача. Пӗрремӗш ача ирхине 5 сехет те 16 минутра 7-мӗш клиника больницинче çуралнă, хӗрачан йывăрăшӗ 2,940 грамм. 

Тутарстанӗпе илсен Çӗнӗ çулăн пӗрремӗш сехечӗсенче 60 ача çуралнă — 32 арçын, 28 хӗрача. 

Чи патвар ача 5,9 килограмм йывăрăш, чи пӗчӗкки —2 килограмм тайнă. 2024 çулăн пӗрремӗш кунӗсенче 27 мăшăр çемье çавăрнă, пӗрремӗш мăшăр январӗни 3-мӗшӗнче çырăннă. 

Атăлçи округӗнчи регионсенче 2024 çулăн пӗрремӗш кунӗсенчи демографи ӳсӗмӗ çапларах: Киров облаçӗнче январӗн 1-мӗшӗнче 7 ача, Оренбург облаçӗнче — 6 ача, Чулхула облаçӗнче 10 ача, Чăваш Республикинче — 22 ача тӗнчене килнӗ.

Сăнӳкерчӗк «Татар-информ» ИА.