Çӗнӗ çул мероприятийӗсем иртекен вырăнсенчи тата вӗсен çывăхӗнчен 1000 метр инçешӗнчи лавккасене 2023 çулхи декабрӗн 24-мӗшӗнчен пуçласа 2024 çулхи январӗн 14-мӗшӗччен эрех-сăра сутасран тытăнса тăма сӗннӗ.
Элмет хулипе район пресс-служби пӗлтернӗ тăрăх, Постановление Ӗçтăвком йышăннă та ӗнтӗ. Çакăн пек утăма вӗсем хулапа район çыннисем, вӗрентӳ, культура, сывлăх сыхлав учрежденийӗсен ертӳçисем ыйтнипе тунă.
Тӗллевӗ — çитӗнекен ăрăвăн сывлăхне сыхласси, сывă пурнăç йӗркин пропаганди тата халăх йышлăн пухăнакан вырăнсенче йӗркене пăсасран профилактика.
Нет комментариев