Çӗнӗ çула çӗнӗлле

Хусанта обществăлла транспортăн К.Тинчурин ячӗллӗ театрăн чарăнăвӗнче кăçал пӗрремӗш хут Хӗл Мучи транспорт кӗтекен пассажирсене Çӗнӗ çулпа саламланă, мандаринсемпе хăналанă тата К. Тинчурин ячӗллӗ театра пыма йыхрав билечӗсем парнеленӗ.

Чарăнăва гирляндăсемпе, Çӗнӗ çул эрешӗсемпе, плакатсемпе, чӗрӗ чăрăшпа илемлетнӗ.

Уяв акцине 90-мӗш сезон куракансене çӗнӗрен те çӗнӗ спектакльсемпе савăнтаракан К. Тинчурин ячӗллӗ Тутар патшалăх комедипе драма театрӗ Вахитов тата Атăлçи районӗсен администрацийӗсемпе пӗрле йӗркеленӗ. 

Сăнӳкерчӗсем тетарăн пресс-службинчен.