Çӗнӗ киносен тематика планне палăртнă

«Тутарстан Республикин экономика аталанăвӗ тата инноваци экономики» патшалăх программин «Тутарстан Республикинче социаллă пӗлтерӗшлӗ коммерциллӗ мар организацисене тӗрев парасси» регионти программа шайӗнчи кинопроизводство:

• Çулсем çинчи хăрушсăрлăх çинчен каласа паракан документлă кӗске фильм – 500 пин тенкӗ;
• «Хади Атласи. Политик, историк, богослов» Хади Атласи çуралнăранпа 100 çул çитнине халалланă документлă кӗске фильм – 500 пин тенкӗ;
• «Манăн пурнăç искусствăра» альманах  – Тутарстанри паллă çынсен пурнăçӗ çинчен каласа паракан кӗске фильмсен пуххи – 500 пин тенкӗ. Кăçал Василий Качалов çуралнăранпа 150 çул,  Салих Сайдашев – 125 çул, Хасан Туфан – 125 çул, Азад Аббасов – 100 çул, Алмаз Монаспов –100 çул, Суллейман Юсупов – 100 çул, Ильгам Шакиров – 90 çул, Туфан Миннуллин – 90 çул çитет;
• Украинăри ятарлă çар операцине хутшăнакансем çинчен ӳкернӗ тулли метражлă фильм – 500 пин тенкӗ;
• Габдулла Тукай хайлавӗ тăрăх (2026 çулта поэт çуралнăранпа 140 çул çитет) ӳкернӗ фильм – 2000,0 пин тенкӗ;
• Тутар юрăçи Ильгам Шакиров çуралнăранпа 90 çул çитнине халалланă документлă тулли метражлă фильм – 1000,0 пин тенкӗ;
• «Тăван çӗршыв паттăрӗсем» – Аслă вăрçă вăхăтӗнчи паттăрлăхсене асра тытма, хальхи вăхăтăн паттăрӗн сăнарне йӗркелеме, патриотизма тата Тăван çӗршыва юратма вӗрентекен документлă тулли метражлă фильм – 1000,0 пин тенкӗ;
• Муса Джалиль хайлавӗ тăрăх (2026 çулта поэт çуралнăранпа 120 çул çитет) ӳкернӗ анимаци киновӗ – 1000,0 пин тенкӗ тăрать.

«Тутарстан Республикинче патшалăх чӗлхисене тата ытти чӗлхесене сыхласа хăварасси, вӗренесси тата аталантарасси» патшалăх программи шайӗнчи кинопроизводство:

• Тутарстанри социаллă культура еткерӗн объекчӗсем çинчен каласа паракан документлă кӗске фильм – 500,0 пин тенкӗ.
• «Авалхи эпитафисем – Тутарстан Республикинчи халăхсен историйӗпе культури çинчен калакансем» кӗске документлă фильм – 500,0 пин тенкӗ тăрать.

ТР Культура министерстви хайлавсене конкурса тăратма хатӗр коммерциллӗ мар организацисенчен заявка кӗтет.  Чи лайăх ӗçсен авторӗсем производствăн пӗтӗм тапхăрне йӗркелесе пыма финанс пулăшăвӗ илӗç. Укçа-тенкӗ вӗсене хăйсен пултарулăх шухăшӗсене пурнăçа кӗртме тата пысăк пахалăхлă кино ӳкерме май туса парать.

ТР Культура министерствин пресс-службин сăнӳкерчӗкӗ.