Çул-йӗр правилисене пурин те пăхăнмалла

Республикăри автоинспекторсем инвалидсем валли хатӗрленӗ парковка вырăнӗсене правона пăсса йышăнакан водительсене тупса палăртас тесе тăтăшах рейдсем ирттереççӗ. Çулталăк пуçланнăранпа çакнашкал нарушенисемшӗн инспекторсем 3 пин ытла административлă протокол çырса панă. Унсăр пуçне инвалидсен машинисен вырăнӗсене йышăннăшăн ятарлă стоянкăсене 1600 ытла автомобиле ăсатнă.
Тутарстан Патшалăх автоинспекцийӗ йӗркене çакнашкал майпа пăснăшăн водителе 5 пин тенкӗ штраф пани çинчен аса илтерет. Унсăр пуçне автомобиле штрафстоянкăна ăсатма пултараççӗ.