Ачаллă 64 ăнăçсăр çемьене регистрациленӗ
Тутарстанра пӗлтӗр çул çитмен ачаллă 64 ăнăçсăр çемьене учета илнӗ. Кун пирки ТР Патшалăх Канашӗн социаллă политика комитечӗн ларăвӗнче ача прависемпе ӗçлекен уполномоченнăй Светлана Захарова пӗлтернӗ.
Ача-пăча омбудсменӗ каланă тăрăх, ăнăçсăр çемьесем çинчен информаци граждансенчен, 112 номер урлă килет. Лару-тăрăва ведомствăсем хушшинчи çыхăну шайӗнче тишкерсе пулăшу кирлӗ çемьесене вăхăтра тупса палăртаççӗ.
Светлана Захарова халӗ уйрăмах ашшӗ-амăшне правасăр хăварма е чарма ыйтса килекен ыйтусем нумай пулнине пӗлтернӗ. Çакна ашшӗ-амăшӗсенчен пӗри е тăванӗсем тума пултараççӗ.
Халӗ çемьесене пулăшакан службăсем лайăхрах ӗçленине те палăртнă вăл. Пӗлтӗр вӗсем йывăр лару-тăрăва лекнӗ çемьесем пирки информаци карточкисене унчченхинчен 10 процент ытларах ярса панине те пӗлтернӗ вăл.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев