Чӑваш ҫамрӑкӗсен «Аталан» ушкӑнӗ Сиктӗрмере яш-кӗрӗм фестивальне ирттерет

Ҫамрӑксем пултарулӑх конкурсне хутшӑннисӗр пуҫне, культурӑпа тата йӑла-йӗркесемпе ҫыхӑннӑ тӗрлӗрен мастер-классемпе тӗлпулусене хутшӑнӗҫ. Заявкӑсем йышӑнас тапхӑр вӗҫленмен-ха. Тем тесен те, ҫӗр чӑмӑрӗ яш-кӗрӗм уттипе ҫаврӑнать. Енчен те эсир ҫамрӑк пулсан, тӑван халӑх культури сире кӑсӑклантарать-тӗк, пулас шӑпи хумхантарать-тӗк, сирӗн Сиктӗрмери форума хутшӑнмаллах. Ӑна хатӗрлекенсем пӗлтернӗ тӑрӑх, спикерсенчен пӗри - паллӑ эстрада юрӑҫӗ,  Чӑваш Республикин культура тава тивӗҫлӗ ӗҫченӗ Алексей Московский пулать. Ыйтса пӗлмелли телефон 89046727155.