Электронлă повесткăсем яраççӗ

Повестка призывпа çар службине тивӗçлисене, çавăн пекех хӗсметре тăнисене, запасра тăракансене килме пултарать. Запасри çар çыннисен категорине кӗрекенсене военкомата даннăйсене уçăмлатма тата танлаштарма чӗнеççӗ – тӗслӗхрен, ӗç вырăнӗ, пурăнмалли вырăн, çемье лару-тăрăвӗ е сывлăх çинчен пӗлме.

«Электронлă повесткăсемпе граждансене пӗлтерме усă кураççӗ. Электронлă повесткăна ярса пани çинчен калакан информацие пурте усă куракан Повесткăсен реестрне кӗртеççӗ», – палăртнă çар комиссариатӗнче.

Çавăн пекех 20 кун хушшинче военкомата килмесен  гражданин тӗлӗшпе, «О воинской обязанности и военной службе» законпа килӗшӳллӗн, ятарлă мерăсем йышăнма пултараççӗ. Хыпарта конкретлă мерăсене тӗплӗн палăртман, анчах хальхи федераци законӗпе килӗшӳллӗн, ку кредит илессипе, руль умне ларассипе тата регистраци ӗçӗсене пурнăçлассипе çыхăннă.

Тутарстан военкоматӗнче электронлă повесткăсем хут повесткисем пекех юридици вăйӗ пуррине палăртнă.