Пӗкӗлме районӗнчи Наратлă ялӗн библиотекинче хамăр ентешпе, «От Наратлов до Лоррена» таврапӗлӳпе автобиографилле кӗнекен авторӗпе Г.М.Таймасовăпа тӗлпулу иртрӗ.
Галина Михайловна – питӗ те çутă, ырă, çынна ăнланакан хӗрарăм. Францире пурăнаканскер, вăл кашни çулах тăван яла – Наратлăна – килет, ентешӗсемпе тӗлпулусем йӗркелесе хăйӗн çӗнӗ юррисемпе, сăввисемпе паллаштарать.
Хальхинче хаклă хăна пирӗнпе тӗл пулсан хăйӗн «От Наратлов до Лоррена» çӗнӗ кӗнекипе паллаштарчӗ. Унта автор хăйӗн пурнăçӗ, ӗçӗ-хӗлӗ пирки çырнисӗр пуçне йăх тымарӗсене те тӗпченӗ.
Тӗлпулăва килнӗ çынсем Галина Михайловна илсе килнӗ кӗнекесене туянма пултарчӗç. Наратлă ялӗн библиотекарӗ хисеплӗ хăнана библиотекăна парнеленӗ кӗнекешӗн чӗререн тав турӗ, ырлăх-сывлăх, вăрăм ӗмӗр сунса пысăк мар парне пачӗ.
Галина Михайловнăпа йӗркеленӗ тӗлпулу ял-йыша савăнăç кӳчӗ, Францире пурăнакан ентешӗмӗре итлесе нумай çӗннине тата интереслине пӗлчӗç вӗсем.
Татьяна ДМИТРИЕВА,
Наратлă ялӗн библиотекарӗ.
Нет комментариев