Гастомель асра

Пулас курав валли пӗрремӗш картинăна августăн 21-мӗшӗнче торжествăлла лару-тăрура панă та ӗнтӗ, кун çинчен Ульяновск облаçӗн обществăлла палати хăйӗн сайтӗнче хыпарлать. Автор Ульяновскри 31-мӗш штурмпа десант бригади Гастомель аэродромне мӗнле анса ларнине сăнланă, çапла майпа хăюллă салтаксен паттăрлăхне ӗмӗрлӗхе хăварнă вăл. 

Аса илтеретпӗр, Гастомель операцийӗ 2022 çулхи февралӗн 24-мӗшӗнче ирпе ирех пуçланнă. Пирӗн салтаксем ун чух Киевран – 25, Гастомель хулинчен 2 километрта вырнаçнă стратегилле пӗлтерӗшлӗ халăхсем хушшинчи аэропорта илнӗ. 

31-мӗш штурмпа десант бригадинче чăвашсем, хамăр ентешсемех, йышлăнччӗ. Шел, нумайăшӗ сывă юлаймарӗ. Çавăнпа ку курав пирӗншӗн те çав тери пысăк пӗлтерӗшлӗ. Çак сăлтавпах ӗнтӗ мероприятие десантниксен çывăх тăванӗсем те килнӗ. 

Николай Маврин сăмахӗпе, СВО темипе ӳкернӗ картинăсен коллекцийӗ çитес вăхăтра çӗнӗ картинăсемпе пуянланмалла.

Ирина КУЗЬМИНА.
Сăнӳкерчӗк Ульяновскри обществăлла палатин сайтӗнчен.