Ял цифра çине куçать
Нумай пулмасть РФ Ял хуçалăх министерстви агропромышленность комплексне цифра çине куçарас ӗçе видеоçыхăну мелӗпе иртнӗ ларура пӗтӗмлетнине хыпарлать
ТР Ял хуçалăхӗпе апат-çимӗç министерствин пресс-служби. 2023 çулхи тата 2024 çулăн виçӗ кварталти кăтартăвӗсем тăрăх, асăннă рейтингра Тутарстан пӗрремӗш вырăн йышăнать. Ун хыççăн Ямал-Ненец Автономи округӗ, Пенза, Ленинград тата Кострома облаçӗсем.
Тутарстанăн агропромышленность комплексӗ ытти регионсенчен те нумайрах цифра технологийӗсемпе усă курать иккен. Çитменнине кашни отраслӗнчех. Калăпăр, тыр-пул, тымар çимӗç ӳстерессинче уй-хир лаптăкне, çанталăка спутник системи урлă сăнать. Выльăх-чӗрлӗх отраслӗнче вăхăтлă апатлантарăва, сăвăма йӗркеленисӗр пуçне кашни выльăхăн электронлă паспортне илсе пырать. Ял хуçалăх продукцине тирпейлессинче вара искусствăлла интеллектпа усă курать.
Ял хуçалăхне цифровизацилени мода хыççăн кайни мар, пӗтӗм тӗнчери рынокра çӗршывăн конкурентлăхне ӳстерсе наци хăрушсăрлăхне çирӗплетмелли мел.
Ирина КУЗЬМИНА.
Следите за самым важным и интересным в Telegram-каналеТатмедиа
Нет комментариев