Икӗ эрне каялла «Сувар» хаçат çавăн пекех уяв ирттернӗччӗ.

Наци культурисемпе йăли-йӗркисен Çулталăкӗнче тӗрлӗрен хаçат редакцийӗсем хăйсен халăхӗсен культурисемпе паллаштарасси – «Татмедиа» агентствăн пуçарăвӗ. 
«Медиа-Питрава» хутшăнакансемпе куракансене Республикăри Пичет тата массăллă коммуникацисен агентствин генеральнăй директорӗ Айдар Салимгараев, «Татмедиа» акционерлă обществăн генеральнăй директорӗ Шамиль Садыков, «Туганайлар» хаçатăн тӗп редакторӗ Юлия Губина саламларӗç. 
Уяв хăнисен хирти чечексенчен тунă пуç кăшăлӗсемпе сăн ӳкерӗнме, крешӗн кукăлӗсене тутанса пăхма тата, палла, «Берменчек» ансамблӗн юрри-ташшине курса киленме май пулчӗ.