Икӗ кун хушшинче Çырчаллинче пурăнакансем Мариупольтан куçса килекенсене 230 пин тенкӗ пухса панă

Пулăшу акцине рестораторсемпе хула отельерӗсем те хутшăннă. Иртнӗ эрнере Çырчаллинче антикризис штабӗн ларăвӗнче обществолла апатлантару тата хăналăх бизнесӗн представителӗсем те хутшăннă. Вӗсем обществолла ассоциаци тăвасси пирки пӗлтернӗ. Паян çак ассоциаци ырă ӗç тунă – усламçăсем хула администрацийӗ ыйтнине тивӗçтерсе укçа пуçтарнă, Мариупольтен куçса килекенсем вырнаçнă «Жемчужина» санаторие 300 комплект савăт-сапа илсе килнӗ.