Ильсур Метшин: «БРИКС çӗршывӗсен саммичӗ вăхăтӗнче Хусанта 20 пин хăна кӗтетпӗр»

Тутарстан тӗп хули пӗр харăс çакӑн чухлӗ хӑна йышӑнман-ха. Виçӗ кун хушшинче Хусана, БРИКС çӗршывӗсен саммитне 20 пин çын килме кăмăл тунă, вӗсен хушшинче журналистсем, экспертсем, волонтерсем, право йӗркин ӗçченӗсем. Хӑнасене хулари 53 отель кӗтсе илет. 

Паян Хусан мэрӗ Ильсур Метшин туризм сферин объекчӗсене çитсе курнă. БРИКС çӗршывӗсен саммичӗн участникӗсемпе хӑнисене йышӑнакан отельсемпе хӑна çурчӗсем хатӗррине тӗрӗсленӗ.

«БРИКС çӗршывӗсен саммитне эпир 20 пин хӑна кӗтетпӗр. Кун чухлӗ çын, виçӗ кун хушшинче, эпир пӗрре те йышӑнман. Вӗсем валли вырнаçма 70 çӗрте тӗрлӗ вырăн хатӗрленӗ, вӗсенчен 53-шӗ Хусанти отельсем. Объектсене тӗрӗслесех тăратпăр. Тутарстан Раисӗ Рустам Минниханов хушнипе эрнесерен эпир саммита хатӗрлекен штабсем ирттеретпӗр. Хальхи вăхăтра отельсенче строительство, отделка ӗçӗсем пыраççӗ, хушма тирпей-илем кӗртеççӗ. Паянхи куна хӑнасене кӗтсе илме 37 отель хатӗр, ыттисенче уйӑх хушшинче ӗçсем вӗçленмелле», — тенӗ Ильсур Метшин.

Тӗслӗхрен, саммита хутшӑнакан çӗршывсен делегацийӗсене хулари 25 отеле вырнаçтарма палӑртнӑ, тепӗр 16-шне журналистсемпе тата вӗсемпе пӗрле ӗçлекенсен валли хатӗрлеççӗ. Ыттисем, çав шутра волонтерсемпе право йӗркин ӗçченӗсем хулари 10 отельре пурӑнӗç.

Сăнӳкерчӗк «Татар-информ» ИА.