Иртнӗ эрнере Тутарстанри суд  приставӗсем парăмçăсенчен 10,5 млн тенкӗ алимент кăларттарнă

Алимент тӳлевӗсене шыраттарса илесси приставсен уйрăм тимлӗхӗнче тăрать. Иртнӗ çулта алимент тӳлеме килӗшменнисенчен 561 миллион тенкӗ кăларттарса ачисене панă. Çак сумма 2020 çулта шыраттарса илнӗ хисепрен икӗ хут ытларах.

Раççей Суд приставӗсен службин Тутарстанри управленийӗн пресс-служби асаилтернӗ тăрăх, ведомство кашни уйăхра алимент кăларттарас ыйтусемпе граждансен онлайн-йышăнăвӗсене йӗркелет. Мартăн 4-мӗшӗнче иртекен йышăнăва 20 ытла заявлени панă ӗнтӗ.