Иртнӗ канмалли кунсенче Тутарстанра 67 ӳсӗр водителе тытнă
Вӗсенчен пӗри — Агрыз хулинче пурăнакан 35-ри водитель. Август уйăхӗн 3-мӗшӗнче автоинспекторсем чарнă Лада машина водителӗн руль умне ларма прави те пулман.
Автоинспекторсем тӗрӗслев иртме сӗннипе водитель килӗшнӗ. Прибор организмра эрех-сӑра 2,5 хута яхӑн нумайрах пулнине палӑртнӑ. Маларах вăл руль умне ӳсӗр ларнӑшӑн явап тытнӑ пулнă. Халӗ ӑна уголовлӑ яваплӑх кӗтет.
Патшалăх автоинспекцийӗ аса илтерет: ӳсӗрле руль умне ларнăшăн 30 пин тенкӗ штраф тӳлеттерсе 1,5 — 2 çула водитель прависӗр хăвараççӗ. Кун хыççăн та ӳсӗрле машина çӳретсен вара 200–300 пин тенкӗ штраф тӳлеттереççӗ, 3 çула е ытларах водитель прависӗр хăвараççӗ, 2 çула ирӗкрен хăтарнисӗр пуçне 3 çула должность йышăнма ку е вăл ӗçпе ӗçлеме чарма пултараççӗ.
Сăнӳкерчӗксем авторăн тата «Татар-информ» ИА.
Следите за самым важным и интересным в Telegram-каналеТатмедиа
Нет комментариев