«Итиль» этнофестиваль Атăлçи халăхӗсене пӗрлештерет
Атăлçи тăрăхӗнчи халăхсен çӗнӗ этника культурин ултăмӗш хут фестивалӗ августăн 9-мӗшӗнче Хусанти Горький ячӗллӗ Культурăпа кану паркӗнче пулать. Мероприяти регионсен музыкине, хальхи искусствине, йăли-йӗркине тата культура пуçарăвӗсене «Мы – продолжение корней» темăпа пӗрлештерӗ. Кун пирки хулан официаллă порталӗ пӗлтерет.
Хăнасем валли гастрономи зони, ал ăстисен ярмаркки, çемье площадкинче мастер-класӗсем, интерактивлă вăйăсем тата музыка программи хатӗрлӗç. Хедлайнер ячӗ паянхи куна паллă мар, ăна йӗркелӳçӗсем каярах пӗлтерме шантараççӗ.
Фестивалӗн тӗп объекчӗ хусан ӳнерçин Женя Набиевăн «Соединенные водой» арт-инсталляцийӗ пулӗ. Ăна «Курше. Мирас» грант проекчӗ шайӗнче пурнăçа кӗртеççӗ. Хусанта пурăнакансемпе хула хăнисем арт-объекта тунă çӗре хутшăнма май пур: фестиваль умӗн тӳлевсӗр виçӗ мастер-класс ирттереççӗ. Пӗрремӗшӗ июлӗн 20-мӗшӗнче иртнӗ пулсан, иккӗмӗшпе виççӗмӗшӗ июлӗн 24 тата 27-мӗшӗсенче 18.00 сехетре пулать. Мероприятие хутшăнакансем кӗленче мозаикăран миниатюрлă элементсем тăвӗç. Вӗсем инсталляцин пӗтӗмӗшле композицийӗн пӗр пайӗ пулса тăрӗç. Хутшăнас тесен регистраци иртмелле.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев