Кăштах кулăш - 6

– Анне, эпӗ ӗнер ӳкрӗм те урана хытă ыраттартăм, – тет Чипер Маринене шкула çӳрекен хӗрӗ.
– Вара макăртăн пуль?
– Çук.
– Ай, маттур! Ма макăрмарăн вара?
– Ара, килте никам та çукчӗ те...
* * *
Чăнкă Мирун аппăшӗн ывăлне вӗрсе каламалли труба парнеленӗ. Темиçе кунран пиччӗшне тӗл пулсан ача:
– Пысăк тав сана, Мирун тете, мана труба парнеленӗшӗн! – тет.
– Сана труба çав тери килӗшрӗ-и? – тӗпчет Мирун.
– Килӗшмесӗр! – ăнлантарать ача. – Анне мана кăнтăрла трубапа каласа шав ан кăлар тесе 2 тенкӗ, атте каçпа ан выля тесе 5 тенкӗ тӳлет.  

Надежда Лютерова сăнӳкерчӗкӗ