Ашшӗпе амăшӗ тата пӗчӗк хӗрӗ каçхи апата ларнă. Марине Хӗл Мучи патне çыру çырнине пӗлтерет: – Хам валли компьютер, анне валли чаплă кӗрӗк ыйтрăм, – тет хайхи. «Хӗл Мучи» чутах чейпе чыхăнса каймарӗ тет.
* * *
Шкулта ачасем «Эпӗ Хӗл Мучирен мӗн ыйтнă пулăттăм» темăпа сочинени çыраççӗ. Петюк хăйӗн сочиненине çапла пуçлать: «Хаклă Хӗл Мучи! Пурнăçласам ман ӗмӗте, тархасшăн: шкулта сочиненисем çырмалла ан пултăрччӗ. Тепӗр тесен батарейăсене шăнтса ларт – хӗл каçиччен те шкула çӳремелле ан пултăр...»
* * *
Çулталăкри чи япăх кун вăл – декабрӗн 30-мӗшӗ. Холодильник тулли апат, анчах çиме юрамасть – ыран валли. Январӗн 1-мӗшӗнче тата япăхрах: ӗçмелли те, çимелли те мăй таран, анчах нимӗн те кӗмест...
Нет комментариев