News by tag - анектоды
-
Кăштах кулăш
Призывник çар комиссариатӗнче: – Тинӗс çар флотне лекес килет. – Ишме пӗлетӗр-и? – Мӗн вара, карапсем çук-им?
-
Кăштах кулăш
Крахьян кинеми мăнукне Петюка шывпа пемелли пистолет парнеленӗ. Савăнăçне ниçта хурайман ача тӳрех шыв тултарма чупать. Амăшӗн вара хӗпӗртес кăмăлӗ пач та çук, хăйӗн амăшӗ патне шăнкăравлать: – Анне, астăватăн-и, эпир сана ача чух шывпа пемелли пистолетпа выляса çав тери тарăхтараттăмăрччӗ? Крахьян кинеми чеен кулса: – Астумасăр ара, пит лайăх астăватăп...
-
Кăштах кулăш
Ашшӗпе амăшӗ тата пӗчӗк хӗрӗ каçхи апата ларнă. Марине Хӗл Мучи патне çыру çырнине пӗлтерет: – Хам валли компьютер, анне валли чаплă кӗрӗк ыйтрăм, – тет хайхи. «Хӗл Мучи» чутах чейпе чыхăнса каймарӗ тет.
-
Кăштах кулăш
Çӗнӗ çул умӗн асламăш патне мăнукне кӳрсе янă. Ача тепӗр кун темшӗн ирхине япăх кăмăл-туйăмпа вăраннă, йӗрмӗшме пуçланă. – Мăнукăм, ан йӗр, йӗмесен сана Хӗл Мучи Çӗнӗ çула кран парнелӗ, – тет асламăшӗ. – Ого! Халь манăн икӗ кран пулать апла! – тет мăнукӗ. – Мӗншӗн иккӗ? – тӗлӗнет асли. – Пӗрне эп санăн шкапăнта тупрăм… ××× Хӗл Мучирен çыру: «Хаклă Петюк! Эпӗ сана манран ыйтнă чаплă смартфона ярса параймастăп, мӗншӗн тесен эсӗ харпăр даннăйсемпе усă курма юрать тесе çырнă ятарлă хут çине алă пусса яман».
-
Кăштах кулăш
Машинапа пыракан Чипер Маринене ПАИ инспекторӗ чарать: – Чиперкке, çул-йӗр паллине курмастăр-им? Кунта пӗр еннелле кăна кайма юрать. – Ара, эпӗ икӗ еннелле каятăп-им-ха?
-
Кăштах кулăш
Вӗçкӗн Ваççапа Чăнкă Мирун калаçаççӗ. – Мирун, сулахай пулни сана чăрмантармасть-и? – Çук. Кашни çыннăн хăйне евӗрлӗхӗ пур та. Ваççа, акă куркари сахăра мӗнпе пăтрататăн эсӗ? – Сылтăм алăпа, хӗвеле май. – Вăт куран вӗт, йӗркеллӗ çынсем кашăкпа пăтратаççӗ...
-
Кăштах кулăш
Арăмӗ упăшкине вăрçать: – Пăх-ха ав çав мăшăра. Арçынни хӗрне аллинчен тытать, чуптăвать, машинин алăкне уçса кӗртет. Мӗншӗн эсӗ ун пек тумастăн? – Ухмаха тухрăн-им? Вăл хӗре пӗрремӗш хут куратăп.
-
Кăштах кулăш
Пӗр турист фермер патне пырать те: – Хирӗр урлă каçма ирӗк парăр-ха, юлашки поезда ӗлкӗрейместӗп атту, – тет. – Каях ара, кай, ман вăкăр курчӗ-тӗк, маларахри поезда та ӗлкӗрен-ха.
-
Кăштах кулăш
Чипер Марине ӗçри юлташӗ патне шăнкăравлать: — Эп паян ӗçе килместӗп. — Мӗншӗн вара? — Упăшка 30 пин тенкӗ укçине çухатнă. — Вара? Сан мӗн ӗçӳ пур кунта? — Эпӗ çав укçа çинче ларатăп.
-
Кăштах кулăш
Пӗр кинеми: — Эпӗ хваттере вăрăсем ан кӗччӗр тесе хам ăçта та пулсан кайнă чух радиона хускатса хăваратăп. Тепӗр кинеми: — Эпӗ вара алăк çине: «Ваççа, çӗленсем клеткинчен тухса хваттер тăрăх шуса кайрӗç, пуçтарса ӗлкӗреймерӗм. Пуçтар тархасшăн», — тесе çырнă хут чиксе хăваратăп.