– Вçо, эп халь малашне испан хӗрӗсемпе кăна паллашма тытăнатăп, – тет Вӗçкӗн Ваççа Кукша умӗнче курнăçланса. – Мӗншӗн тата? – тӗлӗнет Кукша Кӗркури. – Тухтăр мана сире Кардиопа туслашни пулăшӗ терӗ. Кардио вăл испан хушамачӗ пуль.
Чăнкă Мирун ветеринара шăнкăравлать:
– Алло, сирӗн пата çиччас ман апай вӗçтерсе çитет ватă йыттипе. Эсӗ ăна наркăмăшпа укол тух-ха. Асту, вилӗмӗ çăмăл пултăр, сиссе те ан юлтăр, – тет Чăнкă Мирун.
– Юрӗ, – тет ветеринар хаш сывласа. – Йыттипе вара мӗн тумалла?
* * *
Урса кайнă Яка Кулине хăйӗн тусне Вӗçкӗн Ваççана шăнкăравлать:
– Эс мӗн тума хӗллене чӳречене çыпăçтарма сӗнтӗн? – тустарать кăна çилленнӗскер.
– Мӗн, халь çав тери шăрăх-им?
– Çук! Нимӗн те курăнмасть!
Кукша Кӗркури психотерапевт патӗнче:
– Тухтăр, ӗç укçи илсенех эп пӗр чарăнми кулатăп, – тет хăй мӗншӗн килнине ăнлантарса.
– Лайăх апла, кулни вăл пурнăçа тăсать.
– Апла пенсиччен пурăнатăп-ха, – тет Кукша ӗнсине хыçса.
– Эй, пурăнмасăр! Унтан тата та шӳтлерех пулӗ, – терӗ тет тухтăр.
Паркри сак çинче икӗ çын калаçса лараççӗ:
– Эсӗ аш юрататăни?
– Çук.
– Пулă вара?
– Çук.
– А мӗншӗн?
– Мӗншӗн тесен эп пенсионер.
Нет комментариев