Кăштах кулăш

– Пӗчӗк чух мана аттепе анне час-часах кукаçипе хă­варатчӗç, – каласа парать Вӗçкӗн Ваççа. – Кукаçи вара ман профессор, университет­ра студентсене вӗрентет, хисеп­лӗ çын. Анчах та унăн хобби пурччӗ – тӗрлӗ йышши пылак эрехсен коллекцине пухатчӗ. Мана шкула кайма вăхăт çитсен вӗрентекенпе паллашма илсе кайрӗ анне. Пулас вӗрентекен Мария Ивановна мана тӗрлӗ ыйтусем парса тӗрӗслет хайхи. Пӗр заданире антонимсем тупмаллаччӗ. «Сухой» сăмах çумне эпӗ «полусладкий» тесе çырса хутăм. Вӗрентекен кайран аннепе чылайччен калаçрӗ вара...