Хусанти таксистсем хаксене икӗ хут ӳстернӗ
Ноябрӗн 22-мӗшӗнчен Тутарстанра ТР Министрсен Кабинечӗн Йышăнăвӗ вăя кӗнӗ, ун тăрăх обществолла транспортпа прививка тутарнине ӗнентерекен е коронавируспа чирлесе ирттерни çинчен калакан QR-код пулсан кăна çӳреме юрать
Хусанти обществолла транспортра QR-кодсене тӗрӗслесси малалалла пырать. Кăнтăрла тӗлне 786 ятарлă кодсăр пассажира электротранспортран антарса хăварнă тесе пӗлтерет «Татар-информ» сайт. Икӗ пассажира троллейбусран полиципех кăларма тивнӗ. Тата 18-шӗ, кондукторсемпе хытă ятлаçнă пулсан та, транспортран хăйсем тӗллӗнех тухнă.
Метрополитенра код тӗрӗслекенсемпе хирӗçекен виçӗ пассажира полици аллине панă. 126 çын QR-кодсăр метрона кӗресшӗн пулнă, тӗрӗс мар кодсем 11 çыннăн пулнă, срокран тухнă кодсемпе 7 çын метрона иртесшӗн пулнă. Вакцинăн пӗрремӗш компоненчӗпе укол тутарни çинчен калакан справкăпа 96 çын электротранспорта ларасшăн пулнă, Тата тăватă çын икӗ компоненчӗпе те укол тунă сравкăпа метрона иртесшӗн пулнă, анчах та вӗсен QR-код пулманнипе пассажирсене транспорта кӗртмен.
Следите за самым важным и интересным в Telegram-каналеТатмедиа
Нет комментариев