«Крутушка» çемье фестивалӗ хăнасене кӗтет
Августăн 22–24-мӗшӗсенче Хусанти «Байтик» сывату комплексӗн территорийӗнче XV «Крутушка» халăхсен хушшинчи этно-фестиваль иртет. Унта Раççейри тата ытти çӗршыври 70 ытла коллективпа 500 юрăç хутшăнасси паллă.
Фестиваль программи анлă: концертсем, спектакльсем, тӗрлӗ мастер- классем, ал ӗç ăстисен ӗçӗсен ярмăрккисем. Кунта этника тумӗпе пир-авăр хатӗрӗсене 100-е яхăн ăстаçă тăратӗ. Ачасем валли уйрăм ярмăркка та йӗркелӗç.
Курма килекенсем наци апачӗсене тутанса пăхма кăна мар, хатӗрлеме те вӗренӗç. Кулинари террасинче Мускав, Санкт-Петербург, Хусан шеф-поварӗсем апат хатӗрлеме вӗрентӗç.
Хăнасем палатка лагерӗнче е кемпингсенче вырнаçма пултараççӗ. Фестивале çитсе курайманнисем валли тӗп мероприятисене онлайн мелпе кăтартнине те пӗлтереççӗ йӗркелӳçӗсем.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев